Terms of service

1. Ерөнхий зүйл

• Энэхүү нөхцөл нь Sorhugtani Agency (цаашид «Агентлаг») болон Агентлагийн үйлчилгээг захиалж буй хувь хүн, байгууллага (цаашид «Захиалагч») хоорондын харилцааг зохицуулна.
• Захиалагч захиалгаа батлахдаа энэхүү нөхцөлтэй танилцаж, зөвшөөрсөнд тооцно.
• Агентлаг нь бүх үйлчилгээгээ онлайнаар үзүүлдэг ба биечлэн уулзах шаардлагагүй. Албан ёсны гэрээ хийх болон том төслийн хүрээнд цаг товлон уулзаж болно.
• Агентлаг нөхцөлд өөрчлөлт оруулж болно. Шинэчилсэн огноог хуудасны дээд хэсэгт харуулна. Өөрчлөлт нь өмнө нь баталгаажсан захиалгад нөлөөлөхгүй.

2. Үйлчилгээ ба ажлын хүрээ

• Үйлчилгээний хүрээ нь Захиалагчийн сонгосон багц, нэмэлт үйлчилгээний хуудсанд жагсаасан зүйлсээр тодорхойлогдоно.
• Багцад ороогүй ажил, шинэ функц, шинэ хуудас, шинэ систем нь нэмэлт үйлчилгээ болно. Үнэ, хугацааг Захиалагчтай урьдчилан тохиролцож, зөвшөөрөл авсны дараа хийнэ.
• Багцад тохирохгүй онцгой төсөл, бүтээгдэхүүнийг «Тусгай ажлын санал» хэсгээр хүлээн авч, шаардлагад нь тааруулан тусад нь үнэлнэ.

3. Захиалга ба баталгаажуулалт

• Захиалга нь Захиалагч захиалгын маягтыг бөглөж илгээсэн үед бүртгэгдэнэ. Захиалга бүрт өвөрмөц дугаар олгоно.
• Захиалга нь төлбөр төлөгдөж, Агентлаг баталгаажуулсны дараа ажилд орно.
• Захиалагч нь өгсөн мэдээллийн үнэн зөв байдлыг хариуцна.
• Агентлаг хууль бус, хууран мэхлэх, бусдын эрхийг зөрчсөн агуулгатай захиалгаас татгалзах эрхтэй.

4. Үнэ ба төлбөр

• Бүх үнийг Монгол төгрөгөөр (₮) харуулна. Захиалгын үнийг захиалга хийх үед сайт дээр харагдаж байсан үнээр тооцно.
• Төлбөрийн нөхцөл, аргыг «Төлбөрийн нөхцөл» хуудсанд тусгасан.
• Ажлыг төлбөр баталгаажсаны дараа эхлүүлнэ.

5. Гүйцэтгэх хугацаа

• Хугацааг захиалга баталгаажиж, шаардлагатай мэдээлэл, текст, зураг, файл, зөвшөөрөл бүрэн ирсэн өдрөөс ажлын өдрөөр тооцно.
• Үйлчилгээний хуудсанд заасан хугацаа нь ойролцоо тооцоо юм. Ажлын хэмжээ, Захиалагчийн хариу өгөх хурдаас хамаарч өөрчлөгдөж болно.
• Захиалагчаас материал, хариу, зөвшөөрөл хоцорсон тохиолдолд хугацаа түүнтэй адил хэмжээгээр хойшилно.

6. Захиалагчийн үүрэг

• Ажилд шаардлагатай материал, мэдээллийг бүрэн, цаг тухайд нь өгөх.
• Агентлагаас ирүүлсэн хувилбарыг хянаж, санал хариуг цаг тухайд нь өгөх.
• Ирүүлсэн лого, зураг, текст, дуу, бичлэг зэрэг материалыг ашиглах эрхтэй байх.
• Нийгмийн сүлжээ, платформын нууц үгийг Агентлагт хэзээ ч илгээхгүй байх. Хандалтыг платформын албан ёсны хамтрагч, эрх олгох хэрэгслээр өгнө.

7. Засвар

• Засварын тоог багц бүрт заасны дагуу мөрдөнө.
• Засвар гэдэг нь тохиролцсон дизайн, текст, зураг, бүтэц дээрх өөрчлөлтийг хэлнэ.
• Анхны шаардлагаас гадуурх өөрчлөлт, шинэ санаа нь нэмэлт ажил болж, нэмэлт төлбөртэй байж болно.

8. Хүлээлгэн өгөх

• Бэлэн болсон ажлыг «Миний бүртгэл» хэсгээр дамжуулан хүлээлгэн өгнө.
• Захиалагч хүлээлгэн өгсөн хувилбарыг хянаж, засвар шаардлагатай бол хугацаанд нь мэдэгдэнэ.
• Захиалагч засвар хүсээгүй, эсвэл эцсийн хувилбарыг зөвшөөрсөн бол ажил хүлээн авагдсанд тооцно.

9. Гуравдагч талын үйлчилгээ

• Domain, hosting, платформын эрх, төлбөртэй plugin, API, төлбөрийн үйлчилгээ, сурталчилгааны төсөв зэрэг гуравдагч талын төлбөр үйлчилгээний үнэд ордоггүй бөгөөд тусад нь төлөгдөнө.
• Эдгээрийн үнэ, нөхцөлийг тухайн үйлчилгээ үзүүлэгч тогтоодог бөгөөд өөрчлөгдөж болно. Агентлаг тэдгээрийг хянах боломжгүй.
• Тэдгээрийг холбох, тохируулах ажил нь багц эсвэл нэмэлт үйлчилгээний хүрээнд хийгдэнэ.

10. Үр дүнгийн тухай

• Агентлаг дагагч, үзэлт, борлуулалт, ашгийн тодорхой тоог баталгаажуулахгүй. Үр дүн нь зах зээл, платформын дүрэм, Захиалагчийн бизнесээс хамаарна.
• Сошиал медиа өсөлтийн (Growth) үйлчилгээ нь төлбөртэй түгээлтийн үйлчилгээ бөгөөд органик өсөлт биш. Тоон үзүүлэлт нь гадаад үзэгчдээс ирж, платформын дүрмийн дагуу буурах боломжтой. Захиалагч захиалахаасаа өмнө энэ тухай мэдэгдлийг зөвшөөрнө.

11. Хариуцлагын хязгаар

• Агентлаг нь гүйцэтгэсэн ажлынхаа чанарыг хариуцна. Агентлагийн буруугаас гарсан алдааг үнэ төлбөргүй засна.
• Агентлаг нь Захиалагчийн материал, хандалтын мэдээллээс, гуравдагч талын үйлчилгээний доголдол, платформын бодлогын өөрчлөлт, давагдашгүй хүчин зүйлээс үүссэн хохирлыг хариуцахгүй.
• Агентлагийн нийт хариуцлага нь тухайн захиалгад Захиалагчийн төлсөн дүнгээс хэтрэхгүй.

12. Бусад нөхцөл

• Нууцлал, төлбөр, буцаалт, файл хадгалалт, оюуны өмчийн нөхцөлийг холбогдох тусдаа хуудсанд тусгасан бөгөөд энэхүү нөхцөлийн салшгүй хэсэг болно.

13. Маргаан шийдвэрлэх

• Талууд маргааныг эхлээд хэлэлцээрээр шийдвэрлэнэ.
• Шийдэж чадахгүй бол Монгол Улсын хууль тогтоомжийн дагуу эрх бүхий шүүхээр шийдвэрлүүлнэ.

14. Холбоо барих

Асуулт, санал, гомдлыг sorhugtaniagency@gmail.com хаягаар хүлээн авна.